АҚШнинг 11 штатида 12,3 мингдан ортиқ Amazon ходими давлатнинг SNAP озиқ-овқат ёрдами дастуридан фойдаланади. Бу ҳақда АҚШ Ҳисоб палатасининг янги ҳисоботида айтилган. Ундаги маълумотлар ўтган йил сентябрь ойига тегишли.
Умуман, идора миллионлаб ишлаётган америкаликлар ҳанузгача ижтимоий дастурларга муҳтож эканини аниқлаган. Уларнинг тахминан учдан икки қисми тўлиқ иш куни ишлайди.
Focus нашри ёзишича, SNAP ёрдамини олаётган Amazon ходимлари сони 2020 йилдан бери қарийб уч бараварга ошган. Шу даврда компаниянинг фойдаси 11,6 миллиард доллардан 77 миллиард доллардан ошган, тушуми эса 717 миллиард долларга етган.
Amazon компанияси ҳисобот хулосаларини чалғитувчи деб ҳисоблайди, чунки келтирилган маълумотларда ёрдам олаётганлар барча ходимларнинг қанча қисмини ташкил этиши кўрсатилмаган. Шунингдек, тўлиқ ва қисман ишлайдиган ходимлар ўртасида ҳам фарқ ажратилмаган.
Компаниянинг таъкидлашича, ходимлар учун бошланғич иш ҳақи соатига камида 20 долларни ташкил этади. Тўлиқ штатда ишлайдиган ходимларга тиббий суғурта ва бошқа имтиёзлар ҳам тақдим этилади.
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
Саудия Арабистони Исроилдан ёрдам сўради
