41 ёшли Роналду келажаги бўйича муҳим баёнот берди

"Ан-Наср" ҳужумчиси Криштиану Роналду Саудия Арабистони чемпионати доирасидаги "Ал-Ҳазм"га қарши ўйиндан (4:0) сўнг интервью берди.

41 ёшли португалиялик футболчи учрашувда дубль қайд этди ва баҳснинг энг яхши ўйинчиси совринини қўлга киритди. Ўйиндан сўнг юлдуз ҳужумчи ўз келажаги ҳақида гапириб ўтди.

"Кўп марта айтганимдек, менинг келажагим Саудия Арабистони билан боғлиқ. Мен бу ерда бахтлиман ва қолишни истайман", — дея футболчининг сўзларини келтиради "Al Nassr Zone".

Эслатиб ўтамиз, шу ой бошида Роналду клуб раҳбариятининг ишидан норози бўлиб, жамоа ўйинларига бойкот эълон қилган эди. Кейинчалик Криштиану майдонга қайтди ва кетиш ниятида эканлиги ҳақидаги миш-мишларни инкор этди.