Соғлом турмуш тарзини тарғиб қилиш, атроф-муҳитни ифлосланишдан сақлаш ва йирик шаҳарларимизда автомобил ҳаракати интенсивлигини камайтириш мақсадида эртага, 28 май куни Нукус, Тошкент ва барча вилоят марказларида навбатдаги "Автомобилсиз кун" акцияси ўтказилади.
Анъанавий равишда, ушбу кун давомида давлат ташкилотлари раҳбарлари ва ходимларига, шунингдек, фуқароларга шахсий автомобиллардан фойдаланмаслик, жамоат транспорти, пиёда юриш, велосипед ва бошқа экологик тоза транспорт воситаларидан фойдаланиш тавсия этилади.
Бундай тадбирлар атмосферага зарарли моддалар чиқишини камайтириш, шаҳарларимиздаги шовқин даражасини пасайтириш, шунингдек, атроф-муҳитга масъулиятли ёндашувни шакллантиришга қаратилган.
"Автомобилсиз кун" акцияси Ўзбекистон Республикаси Президенти томонидан 2024 йил 21 февралда имзоланган 37-сонли Фармон асосида ҳар ойнинг тўртинчи чоршанбасида ўтказилади.
Акцияга қўшилинг ва экология, саломатлик ҳамда қулай ҳаракатланиш йўлида онгли танловни амалга оширинг. Сизнинг ҳиссангиз мамлакатнинг тоза ҳавоси ва экологик фаровонлигига муҳим ҳисса қўшади.
Malibu XL сотуви 1 соатда якунланди
Ўзбекистон мусулмонлари идораси домла Раббимқул Муҳаммадиевнинг Мадинада вафотига муносабат билдирди
Уйчи тумани ҳудудида мудҳиш ҳолат юз берди
