2025 йилда Европада Россияга нисбат берилган гибрид уруш амалиётлари сони 2024 йилга нисбатан камайди. Бироқ таҳлилчилар бу пасайиш стратегик танаффус ёки тактика ўзгариши бўлиши мумкинлигини истисно этмаяпти.
France 24 таҳлилига кўра, жосуслик, саботаж, киберҳужумлар, таъсир ўтказиш амалиётлари ва суиқасд уринишлари 2022 йилдан бери Европа давлатларида мунтазам кузатилиб келмоқда. 2024 йилда бундай ҳодисалар энг юқори чўққига чиққан, 2025 йилда эса қарийб икки баробарга камайган.
Мутахассислар буни бир неча омил билан изоҳлайди: Европа разведка хизматларининг самарадорлиги ошгани, Москва Украина бўйича мақсадларига музокаралар орқали эришишга уришаётгани ёки Кремль гибрид стратегияни қайта кўриб чиқаётгани.
Шу билан бирга, таҳлилчилар 2026 йилда хавф қайта ошиши мумкинлигини таъкидламоқда. Айниқса, Франция ва бошқа қатор Европа давлатларида сайловлар яқинлашаётгани фонида кенг кўламли таъсир операциялари ва провокациялар эҳтимоли юқори баҳоланмоқда.
Экспертлар фикрича, Россиянинг кейинги қадамлари Украина бўйича АҚШ ва Москва ўртасидаги музокаралар натижасига ҳам боғлиқ бўлади.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Собиқ мудофаа вазири президент саройига бостириб киришни уюштиргани учун ҳибсга олинди
