"Ўтган йили деярли 292 минг киши Германия фуқаролигини олди. Бу тарихий рекорд бўлиб, аввалги йилга нисбатан 46 фоизга кўп", дея хабар бермоқда Германия Федерал статистика бошқармаси.
DW маълумотларига кўра, немис паспортини олганлар орасида энг кўп улуш Сурия фуқароларига тегишли, яъни умумий миқдорнинг чорак қисмидан ортиғи (83 мингга яқин) мазкур мамлакат вакилларидир. Кучли бешликдан Туркиядан келганлар (8 фоиз), шунингдек, Ироқ (5 фоиз), Россия (4 фоиз) ва Афғонистон (3 фоиз) фуқаролари жой олган.
Қайд этилишича, Германия паспортини олган россияликлар сони бир йил ичида олти баравардан кўпроққа, 2000 кишидан деярли 13 минг кишигача ошган.
Бу рекорд ўтган йилнинг июн ойидаги фуқаролик тўғрисидаги қонун ислоҳоти билан изоҳланади. Ҳозирда Германияда саккиз йил ўрнига беш йил яшаган шахс фуқароликни олиши, шунингдек, аввалги фуқароликдан воз кечмаслиги мумкин.
Доллар курси яна кескин «қулади»
Исроил Эрон билан уруш тугаганини расман эълон қилди
Эрон Исроилни мағлубиятга учратганини маълум қилди
