20-санкциялар пакети: унга Беларус ҳам киритилади

Европа Иттифоқи Россияга қарши 20-санкциялар пакетини тайёрламоқда, унга Беларус ҳам киритилади.

Бу масалани Литва молия вазири Криступас Вайтекунас ва Европанинг молиявий хизматлар ва жамғарма-инвестиция иттифоқи бўйича комиссари Мария Луиш Албукерке муҳокама қилди, деб хабар берди Литва вазирлиги матбуот хизмати.

"Шунингдек, Россияга санкцияларни четлаб ўтишга кўмаклашаётган учинчи давлатларга қарши чоралар ҳам ишлаб чиқилмоқда", — дея қўшимча қилди Албукерке.

Вайтекунаснинг сўзларига кўра, Европа Иттифоқи "мунтазам гибрид ҳужумлар"ни ҳисобга олган ҳолда нафақат Россияга, балки Беларусга ҳам босим ўтказишда давом этиши керак. "Октябрь ойи охирида Европа Иттифоқи даражасида навбатдаги, 19-санкциялар пакети келишиб олинганидан мамнунмиз, бироқ, хусусан, Россия энергетика ва молия секторига босимни янада кучайтириш зарур. Шунинг учун биз навбатдаги санкциялар пакетини жиддий муҳокама қилишни бошлашимиз керак," - деди Литва вазири.