Самаралик 18 ёшли россиялик Яна Богатова Miss World Beauty халқаро гўзаллик танлови ғолиби деб топилди. Бу ҳақда гўзаллик, мода ва истеъдод фестивали сайтида маълум қилинди.
Танловнинг финали январь ойи ўрталарида Шимолий Македониянинг Скопе шаҳрида бўлиб ўтди. Россиялик қиз ҳакамлар ҳайъати танловига кўра «Дунё гўзали» Гран-приси унвонига сазовор бўлди.
Иккинчи ўринни 28 ёшли минсклик Гумарова Лиана, учинчи ўринни Ёқутистоннинг Нерюнгри шаҳридан келган 17 ёшли Викторова Аделина эгаллади.
