200 метрлик тепаликдан қулаб тушган футболчи тирик қолди

Бразилиянинг Флуминенсе клуби футболчиси автофалокат натижасида тирик қолди ва деярли жабрланмади.

Бу ҳақда Бразилиянинг “Globo Esporte” нашри хабар берди.

Маълумотларга кўра, Энрике бошқарган “Land Lover” жипи тунда 200 м баландликдан тушиб кетган ва бир неча бор ағдарилган. Аммо Энрике енгил жароҳатлар олган.

Ҳозир у касалхонада ва яқинда шифохонадан чиқарилади, деб ёзади нашр.

Қайд этилишича, воқеа содир бўлган пайтда шок ҳолатига тушиб қолгани боис Энрике автофалокат сабабини эслай олмаган.

Маълумот ўрнида, Энрике Бразилиянинг "Крузейро" клубида ўйнаган пайтида машҳурликка эришган. 250 дан ортиқ ўйин ўтказган ва икки марта Бразилия чемпиони бўлган.