Financial Times'га кўра, Украина Ғарб билан Россияга ҳудудлар бўйича имтиёзлар бериш масаласида очиқроқ гаплаша бошлади.
Нашрнинг ёзишича, Украина расмийлари ҳатто Россия Украина ҳудудида қолган тақдирда ҳам ўт очишни тўхтатиш имкониятини фаолроқ муҳокама қилмоқда. Таъкидланишича, мамлакат Ташқи ишлар вазири Сибига АҚШдаги шахсий учрашувлар чоғида потенциал муросага эришиш йўлларига алоҳида тўхталган.
Хабарда, шунингдек, Украинани қийин кунлар кутаётгани, Зеленский АҚШда ўз мақсадларига эриша олмагани таъкидланган.
"Трампнинг АҚШ сайловларидаги эҳтимолий ғалабаси Украинани ҳарбий ёрдамнинг тўхтатилиши таҳдиди остида ноқулай тинчлик келишувига кўнишга мажбур қилиши мумкинлигидан хавотирлар бор...
Зеленский Вашингтонда асосий масалалар бўйича муваффақиятга эриша олмади ва Ғарб ҳамкорлари босими ортиб бораётгани уни музокарага ундамоқда. Айрим европалик дипломатлар можаронинг потенциал ечими ҳақидаги мунозараларда ўзгаришларни пайқамоқда", деб ёзади Financial Times.
«Дунёда нефть тугайдиган аниқ кун» маълум бўлди
Дунёдаги энг катта ҳаво кучларига эга 5 та давлат
Зеленский Ғарбни Украинага хоин сифатида фош қилиши мумкин
