Чирчиқ шаҳар Ёшлар маркази биносида Ёшлар иттифоқи ҳамда Чирчиқ гарнизони билан ҳамкорликда Тошкент ҳарбий округи миқёсидаги “Менинг армиям ‒ менинг фахрим” мавзусида ижодий ишлар кўрик танлови ўтказилди.
Унда бир гуруҳ ҳарбий хизматчилар ва уларнинг фарзандлари иштирок этди. Танлов давомида иштирокчилар армия ҳақидаги таассуротларини қоғозга туширишди.
Қизғин кечган баҳс натижасига кўра фахрли 1-ўринни Озодбек Камолов, 2-ўринни Дилнаво Абдурашидова ва 3-ўринни Мафтуна Асовбоевалар эгаллади.
Тошкент ҳарбий округи Матбуот хизмати
