Россия Украинада референдум ўтказиш учун оташкесимга рози бўлиши мумкин

Россия Киев ташаббуси билан тузилган тинчлик режаси бўйича референдум ўтказиш учун Украинада ўт очишни тўхтатиш зарурлигини тушунади.

Бу ҳақда Axios нашрига АҚШнинг юқори мартабали амалдори маълум қилди.

Украина етакчиси Владимир Зеленский нашрга берган интервьюсида, агар Россия камида 60 кун давомида ўт очишни тўхтатишга рози бўлса, плебисцит ўтказишга тайёрлигини билдирди.

Москва бу заруратни тушунади, лекин қисқароқ муддат истайди, деди АҚШ расмийси.

Украина президенти тинчлик режаси шарқда оғриқли ҳудудий имтиёзларни ўз ичига олганини, бунинг учун у Украина халқининг розилигини олиши кераклигини таъкидлади.

"Муаммолардан бири - келишув муддати. АҚШ 15 йиллик пакт таклиф қилди, уни узайтириш мумкин. Менимча, бизга 15 йилдан кўпроқ вақт керак бўлади", - деди Зеленский ва агар АҚШ президенти Дональд Трамп ўз учрашувида бунга рози бўлса, буни "катта муваффақият" деб ҳисоблашини қўшимча қилди.