Ўзбекистон миллий жамоасининг ЖЧ-2026 саралаш босқичидаги рақибларидан бири — КХДР терма жамоаси Россиянинг уч клубига қарши ўртоқлик ўйинларини ўтказади.
Шимолий кореяликлар Туркиядаги йиғин доирасида биринчи учрашувни 2 феврал куни «Тюмень» клубига қарши ўтказади. Ушбу клуб Россиянинг аҳамияти бўйича иккинчи ўриндаги Биринчи лигаси — ФНЛ турнир жадвалида охирги ўринда турибди.
Корейсларнинг 11 февралдаги ўйини эса янада кучсизроқ рақиб — «Ленинградец»га қарши бўлиб ўтади. Бу жамоа Россиянинг иккинчи А лигасида қатнашади.
Қолаверса, КХДР терма жамоаси «Балтика» (Россия)га қарши ҳам ўйин ўтказиши кутиляпти.
Айни пайтда Шимолий Корея ФИФА рейтингида 115-ўринни банд этиб турибди. Юқоридаги ўйинлар корейслар учун ЖЧ-2026 саралаши доирасида Қатар ва БААга қарши тайёргарлик вазифасини ўтайди.
Эслатиб ўтамиз, Ўзбекистон КХДРга қарши гуруҳдаги ҳар икки ўйинда ҳам 1:0 ҳисобида ғалаба қозонган.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
