Бойлар тобора бойиб бормоқда.
Ҳисоботда, шунингдек, кейинги ўн йилликда дунёдаги биринчи триллионерлар пайдо бўлиши башорат қилинган, чунки сўнгги 10 йил давомида энг бой 10 та миллиардернинг бойлиги кунига ўртача 100 миллион долларга кўпайган.
Ўтган йили 204 та янги миллиардер пайдо бўлди, уларнинг умумий бойлиги 2024 йилда 2 триллион долларга ошди.
Беҳар огоҳлантирганидек, "миллиардерлар энди иқтисодий ва ижтимоий сиёсатни шакллантира оладиган иқтисодий тизим яратилган, бу эса охир-оқибат уларга янада кўпроқ фойда келтиради."
Ҳисоботда, шунингдек, дунё бўйлаб ҳар ўнинчи аёл кунига 2,15 доллардан кам даромад олиб, ўта қашшоқликда яшаётгани таъкидланган. Қўшимча қилинишича, аёллар кунига 12,5 миллиард соат ҳақ тўланмайдиган меҳнат қилиб, жаҳон иқтисодиётига тахминан 10,8 триллион доллар қўшмоқда, бу глобал технология саноати қийматидан уч баравар кўп.
