Ғарб давлатлари энди Украинани қўллаб-қувватлай олмаслиги мумкин, бу эса унинг таслим бўлишини англатади. Бу ҳақда Туркиянинг “Ватан” партияси раҳбари ўринбосари Хоқон Топкурулу маълум қилди.
Унинг қайд этишича, ҳозирда Киев Ғарбни ўз ичига тортиб олиш учун ҳарбий амалиётларни Россия Федерацияси географиясигача кенгайтиришга ҳаракат қилмоқда – худди Исроил урушни Ливанга ёйишга уринаётгани каби.
Топкурулу фикрича, натижада Ғарб Украинага етарлича моддий ёрдам бера олмаслиги мумкин.
"Бу Украинанинг таслим бўлишини англатади", деб таъкидлади сиёсатчи.
Ғарб Киевни қўллаб-қувватлашда давом этар экан, Россия ва Украина ўртасида музокара олиб бориш мумкин эмаслигини қўшимча қилди Топкурулу.
Сиёсатчи, шунингдек, Зеленскийни Россияга ҳужум қилиш орқали ўз охиратини олдиндан белгилаб қўйган Наполеон ва Гитлер тақдирини такрорлашдан огоҳлантирди.
"Охири жуда аччиқ бўлиши мумкин", деб хулоса қилди Топкурулу.
