Франция 2024 йилнинг биринчи чорагида БМТнинг Фаластинлик қочқинларга ёрдам кўрсатиш билан шуғулланувчи агентликни молиялаштиришни тўхтатади
Бунга сабаб сифатида агентлик ходимлари 7 октябрда ҲАМАСнинг Исроилга ҳужумига алоқадорликда гумонланаётгани кўрсатилмоқда.
Аввалроқ UNRWA комиссари генерал Лаццарини ҲАМАСнинг 7 октябрда Исроилга ҳужумига алоқадорликда гумон қилинган агентлик ходимлари ишдан бўшатилганини ва агар улар айбдор деб топилса, судга тортилишини айтган эди.
Бироқ Финляндия, Буюк Британия, Италия, Австралия, Канада ва Германия аллақачон ташкилотни молиялаштиришни тўхтатганини эълон қилган.
Ўз навбатида, Бирлашган Миллатлар Ташкилоти Бош котиби Антониу Гутерриш давлатларни агентлик ишининг тўхтаб қолишига йўл қўймасликка чақирди.
