"Реал Мадрид" ҳужумкор ярим ҳимоячиси Жуд Беллингем "Golden Boy" совринини қўлга киритади.
Marca газетасининг хабар беришича, аксарият оммавий ахборот воситалари вакиллари 20 ёшли инглиз футболчиси учун овоз беришган. Респондентларнинг деярли 95 фоизи "қироллик" клуби футболчисини биринчи ўринга қўйган.
Беллингем ўтган ёзда "Боруссия Дортмунд"дан 103 миллион евро эвазига "Реал"га ўтган эди. У билан 2029 йилнинг ўрталарига қадар шартнома имзоланган.
Испания чемпионатининг жорий мавсумида Жуд ўнта ўйин ўтказиб, ўнта гол урди.
