Расмий Минскнинг Полшанинг Беларус ҳаво чегарасини бузганлиги ҳақидаги айбловлари мутлақо асоссиз ва провокациондир. Бу ҳақда Полша қуролли кучлари оператив қўмондонлиги матбуот котиби Яцек Горисевский маълум қилди.
Унинг сўзларига кўра, қўмондонлик аллақачон бу масалани ўрганиб чиққан: “Радар тизими қайдларига кўра, ҳеч қандай қоидабузарлик йўқлиги маълум бўлди”.
Бундан ташқари, Полша ташқи ишлар вазири ўринбосари Павел Яблонски Беларуснинг бундай баёнотларига сезгир бўлиш зарурлигини таъкидлади: “Биз воқеани таҳлил қиламиз. Провокацион версия мутлақо табиийдир”.
Эслатиб ўтамиз, аввалроқ Беларус чегарачилари Полша ҳарбий вертолёти мамлакатнинг Гродно вилояти Берестович туманида ҳаво ҳудудини бузганини даъво қилган эди.
