Бухорода ўқув маркази биносида портлаш содир бўлди. Ҳолат юзасидан вилоят фавқулодда вазиятлар бошқармаси изоҳ берди.
Манбага кўра, бугун, 4 январ куни тахминан соат 00:52 ларда Бухоро шахар “Олим Хўжаев” МФЙ Мустақиллик кўчасида жойлашган 50/3 уйнинг ертўласида ўқув марказ сифатида фойдаланилаётган бинонинг ертўласида чақнаш содир бўлиб, натижада ертўладаги 3 дона эшик ромлар жойидан силжиган ва 70 кв.м майдонда том қисми пластик қопламаси зарарланган, бинодан ташқаридаги ертўланинг бетон қопламаси қулаб тушган.
Чақнаш натижасида жабрланган ва тан жарохати олганлар йўқ. Ҳозирда ҳодиса сабаблари аниқланмоқда.
