«Bugungi kunga qadar bizning kuchlarimiz dushman hududining 1250 kvadrat kilometrini nazorat qilmoqda», dedi Ukraina prezidenti Vladimir Zelenskiy chiqishi chog‘ida.
Uning ta’kidlashicha, hujumning asosiy taktik maqsadi, ya’ni Ukrainaning Sumi chegara viloyatiga tahdidni kamaytirish muvaffaqiyatga erishgan.
Zelenskiy, shuningdek, ukrainaliklar ruslarning hududlariga bostirib kirib, «Rossiyadagi eng qattiq qizil chiziqlarni» kesib o‘tganliklarini g‘urur bilan aytdi. Bu, uning so‘zlariga ko‘ra, ularning «qizil chiziqlari» blef ekanligini isbotlaydi.
«Dunyo ko‘rib turibdiki, bu urushda hamma narsa faqat jasoratga, bizning jasoratimizga, sheriklarimizning jasoratiga bog‘liq. Ukraina uchun jasoratli qarorlar, Ukrainani qo‘llab-quvvatlashdagi jasorat».