Yunusobod tumani sobiq hokimi Jahongir Ibrohimov qamoqqa olinmagan — Bosh prokuratura

Bosh prokuratura axborot xizmati rahbari Xayot Shamsutdinov UzNews.uz'ga sobiq hokim qamoqqa oligani haqidagi xabarlar bo‘yicha munosabat bildirdi.

Bugun ijtimoiy tarmoqda Toshkent shahar Yunusobod tumani sobiq hokimi Jahongir Ibrohimovga nisbatan jinoyat ishi ochilib, JKning bir qator moddalari bilan ish qo‘zg‘atilganligi haqida xabarlar sizdirildi.

Bosh prokuratura axborot xizmati rahbari Xayot Shamsutdinovning UzNews.uz'ga ma’lum qilishicha, Yunusobod tumani sobiq hokimi Jahongir Ibrohimov jinoyat ishi bo‘yicha tergovga jalb qilinmagan va u qamoqqa olinganligi haqidagi ma’lumotlar haqiqatga to‘g‘ri kelmaydi.