Yaponiyada bir guruh olimlar asosan plastmassadan tayyorlangan elektrokar yaratishdi.
Konsept-kar Tokioda 28 sentyabrda taqdim qilingan. Mashina Yaponiya vazirlar mahkamasining innovasion texnologiyalarni yaratish dasturi doirasida ishlab chiqilgan. Bu mashina 4 metrdan uzunroq bo‘lib, korpusining deyarli 90 foizi maxsus ishlab chiqilgan sintetik materialdan tayyorlangan.
Ta’kidlanishicha, yangi avtomobil standart modeldagidan 40 foiz yengilroqdir va ikki marta kamroq yoqilg‘i sarflaydi. Shuningdek, yangi modelning ommaviy ishlab chiqarilishi atrof-muhitga ijobiy ta’sir ko‘rsatishiga umid qilinmoqda.
Manba: kun.uz