Yaponiya Qozog‘iston va Qirg‘iziston kompaniyalariga sanksiya kiritdi

Yaponiya hukumati 10 yanvar kuni Ukrainadagi urush tufayli Rossiyaga qarshi qo‘shimcha sanksiyalar kiritishni ma’qulladi. Cheklovlar Qozog‘istonning bitta, Qirg‘izistonning esa ikkita kompaniyasiga ham ta’sir qildi. Bu haqda Nikkea xabar berdi.

Eksport qilinishi taqiqlangan tovarlar ro‘yxatiga 335 ta pozisiya, jumladan, kran va mototsikllar kabi maxsus transport vositalari uchun dvigatel qismlari, Rossiyaning sanoat salohiyatini oshirishi mumkin bo‘lgan tovarlar qo‘shilgan.

Kimyoviy qurol ishlab chiqarish uchun ishlatilishi mumkin bo‘lgan kapsaisin kabi kimyoviy moddalar ham taqiqlangan. Ushbu tovarlarni eksport qilishni taqiqlash 23 yanvardan kuchga kiradi. Ularga Rossiyaning 11 ta jismoniy shaxsi va 29 ta tashkiloti, uchta bank (SMRBank, RFK Bank va Timer Bank) aktivlarini ham muzlatish kiradi.

Aktivlarni muzlatish Shimoliy Koreya fuqarosi va Gruziyaning MRB bankiga ham ta’sir qiladi. Eksportga taqiq Rossiyaning 22 ta tashkiloti va sanksiyalardan qochishga yordam berganlikda gumonlanayotgan mamlakatlarning 31 ta tashkilotini o‘z ichiga oladi.

Ro‘yxatga BAA (1), Xitoy (18), Qozog‘iston (1), Qirg‘iziston (2), Turkiya (8) kompaniyalari kiritilgan. Mazkur holatda chora-tadbirlar 17 yanvardan boshlab joriy etiladi. Hisobotda sanksiya qo‘llanilgan tashkilotlar nomi ko‘rsatilmagan.