Yaponiya AQShga SM-6 raketalarini birgalikda ishlab chiqarishni taklif qilmoqda

Yaponiya AQShga SM-6 zenit-raketalarini birgalikda ishlab chiqarish imkoniyatini ko‘rib chiqishni taklif qildi.

Bu haqda Yaponiya mudofaa vaziri Gen Nakatani Tokioda Pentagon rahbari Pit Xegset bilan muzokaralar yakunlari bo‘yicha o‘tkazilgan matbuot anjumanida ma’lum qildi.

"Biz AMRAAM havo-havo raketalarini birgalikda ishlab chiqarish imkoniyatlari bo‘yicha maslahatlashuvlarni faollashtirishga kelishib oldik. Shuningdek, SM-6 raketalarini birgalikda ishlab chiqarish imkoniyatini ko‘rib chiqishni taklif qildim", - dedi Nakatani. U ikki mamlakat mudofaa sohalari, xususan, raketa ishlab chiqarish sohasidagi hamkorlik nihoyatda muhim ekaniga ishonch bildirdi.

Bu Xegset Pentagon rahbari etib tayinlanganidan keyin ikki davlat mudofaa vazirliklari rahbarlarining birinchi yuzma-yuz muzokaralari edi. Shanba kuni ikki vazir, shuningdek, Yaponiya Bosh vaziri Sigeru Isiba Tinch okeanidagi Ivo Jima orolida, Ikkinchi jahon urushi davrida yapon va amerikalik kuchlar o‘rtasidagi eng yirik janglardan biri bo‘lgan qo‘shma yodgorlik marosimida ishtirok etdi.