2019 yilning 20 oktyabrida Sirdaryo viloyati Yangiyer shahri «Shodlik» mahallasi Mamadaliyev ko‘chasida 1992 yilda tug‘ilgan L.G. o‘z xonadonida o‘lik holatda topilgan.
Bosh prokuratura axborot xizmatining ma’lum qilishicha, murdada qotillik alomatlari bo‘lgan. Sudga oid tibbiyot ekspertizasi xulosasiga ko‘ra, ayolning o‘limiga bo‘ynidan bo‘g‘ish oqibatida mexanik asfiksiya sabab bo‘lgan.
Mazkur holat bo‘yicha Yangiyer shahar prokurori tomonidan Jinoyat kodeksining 97-moddasi 1-qismi bilan jinoyat ishi qo‘zg‘atilgan. Dastlabki tergov harakatlari jarayonida L.G. Tojikiston fuqarosi S.A. bilan yashab kelgani va 2019 yil 20 oktyabr soat 11:00 larda ularning o‘zaro janjallashgani oydinlashdi.
Janjalda ayol S.A.ni OITS (SPID) bilan kasallanganini aytib uni haqorat qiladi va g‘azablangan erkak L.G.ni bo‘g‘ib o‘ldirib qo‘yadi. Qotillikdan keyin S.A. tergov va suddan yashirinish uchun «Xovosobod» chegara maskani orqali Tojikistonga qochib ketgan.
Tezkor-qidiruv ishlari natijasida S.A. Tojikiston Respublikasi, So‘g‘d viloyati, Panjakent shahar IIBga sodir etgan jinoyatiga iqrorlik bildirib murojaat qilgani aniqlangan.
Tergov organi S.A. qotillik ishi bo‘yicha Jinoyat kodeksining 97-moddasi 1-qismida ko‘rsatilgan jinoyatni sodir etganlikda ayblanuvchi tariqasida jalb qilinib, sudning 22 oktyabrdagi ajrimi bilan sirtdan ehtiyot chorasi sifatida qamoqqa olingan.
Ayblanuvchi S.A. Tojikiston fuqarosi bo‘lgani sababli jinoyat ishi bo‘yicha tergovni davom ettirish Bosh prokuratura orqali qo‘shni mamlakat prokuraturasiga yuborilgan.
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Energiya tarmoqlariga o‘zboshimchalik bilan ularnish o‘g‘rilik hisoblanadi
AQSh Harbiy-havo kuchlari yangi “qiyomat samolyoti”ni yaratish bo‘yicha shartnoma imzoladi
