O‘zbekiston terma jamoasi 2022 yili Qatarda bo‘lib o‘tadigan Jahon chempionatiga chiqa olmadi. Vadim Abramov shogirdlari saralash o‘yinlarining 2-bosqichida qolib ketishdi. «Gazeta.uz» Twitter foydalanuvchilarining ushbu holat yuzasidan bildirgan ayrim fikr-mulohazalarini taqdim etadi.
O‘zbekiston terma jamoasi JCH-2022 saralashining 2-bosqich so‘nggi o‘yinida Saudiya Arabistoniga imkoniyatni boy berdi. Shu tariqa O‘zbekiston Jahon chempionatidan quruq qoldi.
Mazkur holat yuzasidan ijtimoiy tarmoqlarda, jumladan Twitter tarmog‘ida turli fikr-mulohazalar bildirildi. «Gazeta.uz» ularning ayrimlarini to‘pladi.
O‘zbekiston terma jamoasi avvallari hech qachon saralashning 2-bosqichida qolib ketmagan edi. Bu safargi holat esa o‘ziga xos antirekord bo‘ldi:
Kstati, Yangi O‘zbekistonning mutlaqo yangi natijasi bo‘ldi. Tarixda bo‘lmagan
— ™ (@murodov_) June 15, 2021
Yuqoridagi tvitning biroz boshqacharog‘i:
Eski O‘zbekistonda hech bo‘masa so‘ngi bosqichga chiqardik
— Navruzbek (@navik_21) June 15, 2021
Iqtisodchi Otabek Bakirovning yozishicha:
Saudlarni haloli bo‘sin. Zo‘r o‘ynashdi, yorvorishdi. 3-0 ga yutayotgandayam tomog‘idan tomiri ko‘rinib baqirib yurgan murabbiyigayam malades. Biz oshga qaraylik, sovumasin.
— Alimoff (@Iplosello) June 15, 2021
Eslatib o‘tamiz, O‘zbekiston terma jamoasi Saudiya Arabistonidan uchralgan mag‘lubiyatdan so‘ng eng yaxshi 2-o‘rinni qo‘lga kiritgan terma jamoalar ichida 7-o‘rinni egalladi. Ular Ummon, Iroq, Vetnam, Xitoy, Livan hamda Tojikistondan keyingi o‘ringa ega chiqdi. Shu tariqa O‘zbekiston Qatarda bo‘lib o‘tadigan 2022 yilgi Jahon chempionatidan quruq qoldi.
