Yangi o‘quv yilida maktab o‘quvchilari qaysi holatlarda onlayn ta’lim olishi mumkin?

Xalq ta’limi vaziri Sherzod Shermatov 6 sentyabrdan darslar to‘liq an’anaviy tarzda boshlanishini ma’lum qildi.

Faqat quyidagi holatlar bolani vaqtincha ta’lim jarayoniga masofadan jalb etilishiga sabab bo‘lishi mumkin:

1. O‘zi yoki oila a’zolaridan biri COVID bo‘lib vaqtincha davolanishda bo‘lgan o‘quvchilar uchun;

2. O‘quv yili davomida o‘qituvchi yoki o‘quvchilar orasida COVID aniqlanib, vaqtinchalik karantinga olingan sinf yoki maktablar uchun;

3. Vaqtincha boshqa joyda o‘qishni davom ettirish imkoniyati bo‘lmagan maktablarning o‘quvchilari uchun.

Bunday o‘quvchilar uchun parallel ravishda darslar MTRK telekanallari orqali “Onlayn maktab” loyihasi doirasida berib boriladi.