Ispaniya terma jamoasi hujumchisi Lamin Yamal milliy jamoa safida yana bir muhim ko‘rsatkichga erishdi.
19 yoshli futbolchi Millatlar ligasida Xorvatiyaga qarshi bahsda ikki bor raqib darvozasini ishg‘ol qildi. U 2 va 63-daqiqalarda gol urib, Ispaniyaning g‘alabasiga katta hissa qo‘shdi.
Ikkinchi gol Yamal uchun terma jamoadagi yubiley — 10-gol bo‘ldi.
E’tiborli tomoni, "Barselona" vingeri ushbu marraga 19 yoshida yetib keldi. Krishtianu Ronaldu va Lionel Messi esa o‘z milliy jamoalari safida 10-golini 21 yoshida urgan edi.
Hozirga qadar Lamin Yamal Ispaniya terma jamoasi tarkibida 35 ta uchrashuvda maydonga tushib, 10 ta gol va 14 ta assist qayd etgan.