O‘zbekiston Prezidentining «Jamiyatda ijtimoiy-ma’naviy muhitni sog‘lomlashtirish, mahalla institutini yanada qo‘llab-quvvatlash hamda oila va xotin-qizlar bilan ishlash tizimini yangi darajaga olib chiqish chora-tadbirlari to‘g‘risida»gi farmoniga muvofiq, bosh vazir o‘rinbosari, Vazirlar Kengashi raisi o‘rinbosari, tegishli hokim o‘rinbosarlari sanalgan xotin-qizlar qo‘mitalari raisi lavozimlari tugatilgan edi.
«Gazeta.uz»ning xabar berishicha, ushbu lavozimda ishlab kelgan Elmira Bositxonova yangi lavozimga tayinlandi. U mahalla va oilani qo‘llab-quvvatlash vazirining birinchi o‘rinbosari bo‘ldi.
Avvalroq Prezidentning farmoni bilan tashkil etilgan O‘zbekiston Mahalla va oilani qo‘llab-quvvatlash vazirligiga Rahmat Mamatov rahbar etib tayinlangani, ichki ishlar vazirining jamoat tartibini saqlash bo‘yicha o‘rinbosari Azizbek Ikromov uning o‘rinbosari bo‘lgani xabar berilgan edi.
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
Rossiyadagi tojiklarga mehnat patenti berilmaydi
