Xomanaiy ham nishonga aylanishi mumkin

Isroil Oyatulloh Ali Xomanaiy Eronga qarshi operasiya doirasida nishon bo‘lishi mumkinligini istisno qilmayapti. Bu haqida The Wall Street Journal yozmoqda.

Nashr bu haqda isroillik manbalariga tayanib xabar bermoqda.

"Xomanaiyga zarba berish taqiqlanmagan. Isroil Eron yadroviy dasturini yo‘q qilishga intilmoqda va buning uchun har qanday potensial nishonlarga zarba berishni ko‘rib chiqmoqda", — dedi WSJ manbasi.

The Jerusalem Post'ga ko‘ra, ushbu bayonot Isroilning strategiyasi Eronning yadroviy aktivlarini zararsizlantirishdan tashqari Tehrondagi hukmron rejimining siyosiy va harbiy asoslarini barbod qilishni ham o‘z ichiga olishini ko‘rsatmoqda.