Xoland boshchiligidagi Norvegiya Isroilni tor-mor keltirdi

Norvegiya terma jamoasi JCH-2026 saralashidan o‘rin olgan Isroilga qarshi bahsda yirik 5:0 hisobida g‘alaba qozondi.

Norvegiya terma jamoasi hujumchisi Erling Xoland o‘yinda xet-trik qayd etdi va terma jamoadagi gollari sonini 51 taga yetkazdi. Isroil terma jamoasi futbolchilari Anan Xalili va Idan Naxmias ushbu o‘yinda avtogol muallifi bo‘ldi.

Norvegiya terma jamoasi ochkolari sonini 18 taga yetkazib, I guruhda peshqadamlikni davom ettirmoqda.

Jahon chempionati saralash bosqichidagi navbatdagi o‘yinni norvegiyaliklar 13 noyabr kuni Estoniyaga qarshi o‘tkazsa, isroilliklar 14 oktyabr kuni Italiya bilan kuch sinashadi.

JCh saralashi, Yevropa, I guruhi
11 oktyabr, 21:00, Ullevaal (Oslo)
Norvegiya - Isroil - 5:0
Gollar: Xalaili, 18 - avtogol (1:0). Xoland, 27 (2:0). Naxmias, 28 - avtogol (3:0). Xoland, 63 (4:0). Xoland, 72 (5:0)
Foydalanilmagan penalti: Xoland, 6’