Xitoydagi xorijliklar o‘z gadjetlarini topshirishga majbur bo‘ladi

Xitoy polisiya va boshqa huquq-tartibot organlari xodimlariga shaxsiy smartfonlar, shaxsiy kompyuterlar va boshqa elektron qurilmalar tarkibini ko‘rish imkonini beruvchi yangi qoidalarni joriy qildi. Bu haqda Yaponiyaning NHK telekanali xabar berdi.

OAV xabarlariga ko‘ra, «favqulodda holatlarda» bunday tekshiruvga tegishli sud ruxsatisiz yo‘l qo‘yiladi. Qoidalarda «favqulodda vaziyatlar» deganda aniq nima nazarda tutilgani aniqlanmagan.

Qidiruv va gadjetlar tarkibini tekshirish xorijiy fuqarolarga nisbatan ham amalga oshirilishi mumkin. Yaponiya ommaviy axborot vositalarining yozishicha, bu xorijlik ishbilarmonlar va muhojirlarning o‘zlariga qarshi ehtimoliy o‘zboshimchalikdan qo‘rqishiga sabab bo‘lishi mumkin.