Xitoyning Tyanszin universiteti olimlari ilk bor inson ildiz hujayralaridan tashkil topgan miya tomonidan boshqariladigan robot yaratishdi. Tadqiqotchilar texnologiyani "chipdagi miya" deb atashgan.
OAV bu ixtironi biokompyuting sohasidagi katta yutuq deb atamoqda va u “inson-robot gibrid intellektini” rivojlantirishga olib kelishi mumkinligini ta’kidlamoqda.
Kichkina haykalcha ko‘rinishidagi robotni yaratish uchun olimlar laboratoriyada inson ildiz hujayralaridan to‘qimalarni o‘stirishdi va uni neyron interfeysi bilan birlashtirdilar. Robot yurishni, turli to‘siqlardan qochishni, nishonlarni kuzatishni va narsalarni ushlashni o‘rganib ulgurgan.