Xitoy Qishki olimpiya mukofoti dizaynini namoyish etdi

Pekinda joylashgan Qishki Olimpiya-2022 tashkiliy qo‘mitasi olimpiya va paralimpiya o‘yinlari mukofoti dizaynini namoyish etdi.

Medallarning old tomonida an’anaviy besh halqa tasviri tushirilib, atrofi tanlovning ingliz tilidagi to‘liq nomi bilan o‘ralgan. Ort tomoni markazida o‘yinlar timsoli, shuningdek, bo‘lajak turnirning xitoy tilidagi to‘liq nomi keltirilgan.

Medalning orqa tomoni yana 24 nuqtaga ega halqalar bilan bezatilgan bo‘lib, bu "cheksiz yulduzli osmon" va "inson hamda tabiat o‘rtasidagi uyg‘unlik"ni anglatadi. Shuningdek, bunda tartib raqami (XXIV) ham keltirilgan.

Eslatib o‘tamiz, Pekindagi Olimpiada 4–20 fevralda, Paralimpiada esa 4–13 martda bo‘lib o‘tadi.