Bloomberg agentligining Xitoy bojxona ma’lumotlari va Rossiya Iqtisodiyot vazirligi ma’lumotlariga asoslangan hisob-kitoblariga ko‘ra, yanvar-sentyabr oylarida “Gazprom” Xitoyga 23,7 milliard kub metr tabiiy gaz eksport qilgan, bu 2023 yilning shu davriga nisbatan deyarli 40 foizga ko‘p.
Bu ko‘rsatkich bo‘yicha Xitoy Yevropadan o‘zib ketdi. Bloomberg'ning qayd etishicha, yanvardan centyabrgacha “Gazprom” Ukraina va “Turk oqimi” gaz quvurlari orqali Yevropa davlatlariga 22,5 milliard kub metr gaz yetkazib bergan.
Iyul oyida Bloomberg agentligi Yevropa va Xitoy navbatma-navbat Rossiya gazining eng yirik xaridoriga aylanib, “Gazprom”ning asosiy bozori sifatida raqobatlashayotgani haqida xabar bergan edi.
