Xitoy Davlat kengashi bosh vaziri Li Syan Germaniya vise-kansleri, iqtisodiyot va iqlimni muhofaza qilish vaziri Robert Xabek bilan uchrashishdan bosh tortdi.
Bu haqda Germaniya delegasiyasidagi manbalarga tayanib, “Welt” nashri ma’lum qildi, deb yozadi «Report».
«Vise-kansler Robert Xabek Xitoyga tashrifi chog‘ida muhim uchrashuvni bekor qilishga majbur bo‘ldi. Bosh vazir Li Syan bilan shanba kuni kutilayotgan uchrashuv bo‘lib o‘tmaydi», — deb yozadi nashr.
Juma kuni Xitoyga Pekin, Shanxay va Xanchjoudagi hamkasblari bilan uchrashish uchun kelgan Xabek Li bilan uchrashuv nima uchun bo‘lmasligi haqida hech qanday tasavvurga ega emasligini aytdi.