Xitoycha Apple hamyonbop smartfonlar turkumidagi Redmi X flagmanining taqdimot kunini hali yanvarning oxiridayoq rasman aytgan edi. Ammo keyinchalik bu model yong‘oqchaqar Redmi Note 7 va boshqa gadjetlar haqidagi xabarlarning soyasida qolib ketgan .
Xiaomi o‘sha rasmiy taklifnomasida ma’lum qilgan ma’lumotlar uning 15 fevralda rasman namoyish etilishi va uning ekrani daktiloskopli ilk Redmi smartfoni ekanligidir. Endi esa iGeekPhone resursi uning kutilayotgan texnik xususiyatlarini e’lon qildi.
Unga ko‘ra, Redmi X hali yaqindagina taqdim qilingan Snapdragon 712 prosessori bazasida ishlaydi. Xotira hajmiga kelsak, bu smartfon 4/64 gigabaytlikdan 8/256 gigabaytlikkacha konfigurasiyalarda taqdim etiladi.
Redmi X ning asosiy o‘ziga xosliklaridan biri uch modulli (48, 20 va 8 MPlik) bosh kamerasidir. Bundan tashqari, mazkur smartfon selfi ishqibozlari uchun ham ajoyib sovg‘a bo‘la oladi. Ushbu devaysning 6,6 dyuymlik ekranidagi tomchisimon kemtik da naq 20 va 8 megapiksellik sensorlardan iborat qo‘shaloq old kamera joylashgan!
Smartfonning akkumulyatori 4500 mA/soatlik tok sig‘imiga ega va u 27 vattlik texnologiya asosida tezkor quvvatlana oladi. Dastlabki ma’lumotlarga ko‘ra, Redmi X modelining narxi 222 dollardan boshlanadi.
Manba: terabayt. uz
ECHL. Yarim final. "Bavariya" "Real" bilan jangovar durang qayd etdi
Rossiya iqtisodiyoti qulashi mumkin
Rossiya IIV 400 ga yaqin muhojirni Rossiya pasportidan mahrum qildi
