Vengriya dushanba kuni bo‘lib o‘tishi kerak bo‘lgan Germaniya bilan tashqi ishlar vazirlari darajasidagi ikki tomonlama uchrashuvni bekor qildi. Bu haqda Germaniya tashqi ishlar vazirligining ismi oshkor etilmagan xodimiga tayanib, Reuters xabar berdi.
Uning so‘zlariga ko‘ra, Germaniya departamenti bu qarordan «hayratda qolgan» va Vengriya Bosh vaziri Viktor Orbanning Moskvaga tashrifidan keyin «jiddiy va ochiq» muzokaralar zarurligini ta’kidlagan.
Vengriya Tashqi ishlar vazirligi va Germaniya hukumati agentlik so‘rovlariga javob bermagan. Agentlikning Germaniya tashqi ishlar vazirligidagi suhbatdoshiga ko‘ra, uchrashuv boshqa vaqtga ko‘chiriladi.
Agentlik ta’kidlashicha, bu YEI mamlakatlari, xususan, Germaniyaning Orbanning Moskvaga tashrif buyurishi va Rossiya prezidenti Vladimir Putin bilan uchrashish qaroridan noroziligi fonida yuz berdi.
Meni Falastin masalasi tashvishga solayotgani yo‘q, lekin mening xalqim xavotirda
Ukrainada 3000 qozoq halok bo‘ldi
Saudiya Arabistoni Tashqi ishlar vazirligi rahbari bugun qiziqarli bayonot berdi
