Venesuela qurolli kuchlari va polisiyasi Maduroga sodiqlikka va’da berdi

Milliy bolivar qurolli kuchlari va Venesuela polisiyasi respublika prezidenti lavozimiga kirishgan Nikolas Maduroga sodiqlik qasamyod qildi.

“Venesuelaning sobiq prezidenti Ugo Chaves yangi davlat qurish uchun harbiy-fuqarolik ittifoqiga asos soldi, biz ulkan sakrashga erishdik, xalq kuchlari, FANB va mamlakat polisiyasini birlashtirishga erishdik”, - deydi Maduro. Bu haqda qasamyod qabul qilish marosimi bo‘lib o‘tgan Venesuela poytaxtidagi Fort Tuna garnizonida aytib o‘tdi. Davlat rahbari va FANB bosh qo‘mondoni harbiy xizmatchilar “Venesuelani tashqi dushmanlardan himoya qilish va konstitusiyaga muvofiq erkin jamiyat qurish uchun intizomni saqlashi, buyruqlarga bo‘ysunishi va mutlaq sodiq bo‘lishi shart”ligini ta’kidladi.

"Sadoqat akti amalga oshirildi va aytishimiz mumkinki, bu 10 yanvardagi konstitusiyaviy g‘alabani mustahkamlash harakati bo‘ldi. Biz g‘alaba qozondik", - deya ta’kidladi Maduro. "Xudo harbiylarimiz va xalqimizni o‘z panohida asrasin", deb e’lon qildi u.