Tramp tarixda eng qisqa urushni olib borishi mumkin

AQShning saylangan prezidenti Donald Tramp davrida Grenlandiyaning harbiy yo‘l bilan AQShga qo‘shilishi insoniyat tarixidagi eng qisqa qurolli mojaroga aylanishi mumkin. Bunday fikr tahlilchilarning baholariga tayangan holda Politico gazetasining materialida keltirilgan.

Mutaxassislar Amerika harbiylari 1940 yillardan beri Grenlandiyada bulgani uchun. Ularning orolda bo‘lishi 1951-yilgi AQSh va Daniya o‘rtasidagi shartnomada rasman belgilangan. Shu bilan birga, Grenlandiyada Arktikadagi eng yirik Tule aviabazasi tashkil etildi, unda 10 ming kishigacha bo‘lgan kontingent joylashtirilgan va yadroviy qurolga ega bo‘lgan strategik bombardimonchi samolyotlar joylashtirilgan. 2023 yilda aviabaza raketa hujumidan ogohlantirish va Arktika zonasini nazorat qilish tizimi vazifalarini bajaruvchi Pituffik kosmik bazasi deb o‘zgartirildi.

Nashrning ta’kidlashicha, shartnomaga ko‘ra, AQSh Grenlandiyani har qanday hujumdan himoya qilish majburiyatini olgan, chunki Daniya Qurolli kuchlari tashqi yordamsiz ehtimoliy bosqinchiga qarshilik ko‘rsata olmaydi.

"Daniya Grenlandiyani yolg‘iz o‘zi hech kimdan himoya qila olmasligini juda yaxshi anglaydi. Savol shundaki, [amerikaliklar] kim bilan urushadi? O‘zlarining harbiy xodimlari bilanmi? Axir ular allaqachon u yerda," - deya gazeta Kopengagen universiteti Harbiy tadqiqotlar markazi katta ilmiy xodimi Kristian Sobi Kristensenning fikrini keltiradi.