Venesuela Oliy sudi prezidentlik saylovlari o‘tkazilishi ustidan berilgan shikoyatni ko‘rib chiqishdan bosh tortdi

Oliy sudyalar hay’ati mamlakat hukmdori Nikolas Maduroning qayta saylanishini qonuniy deb tan oldi. Sud muxolifatning iyul oyidagi prezidentlik saylovlaridagi qonunbuzarliklar haqidagi shikoyatini «qabul qilib bo‘lmaydigan» deya rad etdi.

Muxolifat Venesueladagi saylov natijalari e’lon qilingandan so‘ng darhol o‘tkazilishi ustidan shikoyat qilgan, biroq Milliy saylov kengashi hech qanday qonunbuzarliklar aniqlanmaganini ma’lum qilgan. Bu yuqori organga - Oliy sudga ariza berish uchun sabab bo‘ldi. Ammo uning ta’kidlashicha, «ekspertiza Milliy saylov kengashi tomonidan e’lon qilingan natijalarning shubhasiz haqiqiyligini isbotladi va bu saylangan nomzod Nikolas Maduro ekanligini ko‘rsatdi». OAV xabarlariga ko‘ra, aksariyat kuzatuvchilar oliy sudyalar hay’ati a’zolari ham Maduroga sodiq, deb hisoblamoqda.

Saylovlar va Maduro g‘olib deb e’lon qilinishi ortidan Venesuelada katta norozilik namoyishlari bo‘lib o‘tdi. Namoyishlar chog‘ida ikki mingdan ortiq odam hibsga olingan, kamida 24 kishi halok bo‘lgan.