Toshkent viloyatining Bekobod tumanida “O‘zmetkombinat” ishchisi korxona omborxonasida o‘z joniga qasd qildi, deb xabar bermoqda Repost Bosh prokuraturaga tayanib.
Aniqlik kiritilishicha, hodisa haqidagi xabar 17 aprel kuni 9:00 atrofida kelib tushgan. 53 yoshli ishchi osilgan holatda topilgan.
O‘lim sababini aniqlash uchun sud-tibbiy ekspertiza tayinlangan, huquq-tartibot organlari arqonni musodara qilgan. Davlat mehnat inspeksiyasiga zavodda mehnat muhofazasi qoidalariga rioya qilinishi yuzasidan o‘rganish olib borish so‘rovi yuborildi.
Ma’lumotlarga ko‘ra, erkak psixiatr yoki narkolog hisobida turmagan.