O‘zbekistonda qaysi xizmat turlari eng tez o‘smoqda?

Milliy statistika qo‘mitasi ma’lumotlariga ko‘ra, 2026 yilning yanvar–iyun oylarida O‘zbekistonda ko‘rsatilgan bozor xizmatlari hajmi 664,9 trln so‘mni tashkil etgan.

Bu ko‘rsatkich 2025 yilning mos davriga nisbatan 16,9 foizga oshgan.

📊 Xizmat turlari bo‘yicha o‘sish sur’atlari:

moliyaviy xizmatlar — 126,3 foiz;

me’morchilik, muhandislik izlanishlari, texnik sinovlar va tahlil sohasidagi xizmatlar — 124,6 foiz;

ta’lim sohasidagi xizmatlar — 122,7 foiz;

aloqa va axborotlashtirish xizmatlari — 122,1 foiz;

ko‘chmas mulk bilan bog‘liq xizmatlar — 118,3 foiz;

sog‘liqni saqlash sohasidagi xizmatlar — 116,8 foiz;

savdo xizmatlari — 114,9 foiz;

transport xizmatlari — 114,7 foiz;

shaxsiy xizmatlar — 114,2 foiz;

yashash va ovqatlanish xizmatlari — 111,6 foiz;

kompyuterlar va maishiy tovarlarni ta’mirlash bo‘yicha xizmatlar — 111,4 foiz;

ijara xizmatlari — 107,4 foiz;

boshqa xizmatlar — 116,3 foiz.