Sog‘liqni saqlash vazirligining maktab va bog‘chalarga «Antistrumin» preparatini yetkazib berish bo‘yicha ko‘p milliard dollarlik tenderda g‘olib chiqqan «SAMO» OOO asoschisi Nodir Yunusov o‘ta xavfli jinoyatchi sifatida xalqaro qidiruvga berilgan.
Amerika Qo‘shma Shtatlari va Interpol uni o‘ta og‘ir jinoyatlar: odam savdosi, qul mehnati, firibgarlik, reketlik va korrupsiya tashkiloti yaratish bo‘yicha qidirmoqda.
FQB ma’lumotlariga ko‘ra, 2005—2009-yillarda u boshqa O‘zbekiston fuqarolari bilan birgalikda 59 kishini qullikka aylantirgan, ulardan 40 nafari qutqarilgan. Tashkilot rahbari Abrorxo‘ja Asqarxo‘jayev hibsga olingan, Nodir Yunusov sheriklari bilan o‘z vatanlariga qochib ketgan.
