O‘zbekiston kubogini qo‘lga kiritgan "Andijon" futbolchilari 150 million so‘mdan mukofot puli olishdi(mi?)

"Andijon" kubok finalida g‘alaba qozongan futbolchilari 150 million so‘mdan mukofot pullari olgani aytilmoqda. Bu haqda ijtimoiy tarmoqlarda xabar tarqaldi.

"Avtomashina berilgani yo‘q, ammo avtomashina xaridiga bemalol yetadigan pul mukofoti berildi" - dedi "Andijon" klubi bosh direktori.

Final uchun futbolchilarga va’da qilingan pul mukofotining bir qismini klub homiysi "O‘zAvtoSanoat" to‘liq bergan. O‘yinchilar taxminan 150 million so‘mdan mukofotlangani haqidagi taxmin klub direktori tomonidan rad etilmadi.

Eslatib o‘tamiz "Andijon" finalda "Navbaxor"ni 3-2 xisobida yengib, o‘z tarixida ilk bor O‘zbekiston kubogini qo‘lga kiritdi.