Ma’lumotlar uzatishning zamonaviy texnologiyalarini faol joriy etish, keng polosali ulanishning optik tarmoqlarini rivojlantirish va mobil aloqa tarmog‘ini modernizasiya qilish uchun qulay shart-sharoitlarni ta’minlash maqsadida O‘zbekiston Xitoy davlat taraqqiyot bankidan 5 yil muddatga 40 million dollar miqdorida qarz oladi.
Vazirlar Mahkamasi qarori loyihasiga ko‘ra, ushbu mablag‘lar investisiya loyihalari doirasida «O‘zbektelekom» AK tomonidan tuziladigan, texnologik uskunalar, dasturiy ta’minot hamda xizmatlar ko‘rsatishni yetkazib berish uchun import shartnomalari qiymatining 100 foizini to‘lashga sarflanadi.
Xitoy davlat taraqqiyot banki kreditini to‘lash bilan bog‘liq xarajatlar, shuningdek, foizlar, komissiyalar va ular bo‘yicha boshqa xarajatlar «O‘zbektelekom» AKning shaxsiy mablag‘lari hisobidan qoplanadi.
Hujjatda «5G texnologiyasini joriy etish istiqboli bilan telekommunikasiya tarmoqlarini rivojlantirish», «Ma’lumotlarni saqlash va qayta ishlash markazini kengaytirish» hamda «Internetga keng polosali ulanish bo‘yicha simsiz texnologiyalarni joriy etish» kabi loyihalar ham nazarda tutilgan.
O‘zbekiston tibbiyoti og‘ir judolikka uchradi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
