“UzAuto Motors” kompaniyasi Tojikistonda “Chevrolet”ning to‘rtta modelini sotishni boshladi. Bu haqda kompaniya matbuot xizmati xabar bermoqda.
Qo‘shni mamlakatdagi mijozlarga “Spark”, “Cobalt”, “Nexia” va “Lacetti” modellari taklif qilinmoqda.
Ta’kidlanishicha, “Lesinvest” kompaniyaning rasmiy distribyutori sifatida Tojikistonda “Chevrolet” segmentasiyasidagi avtomobillarni sotish va xizmat ko‘rsatish bo‘yicha faoliyatni boshqarib boradi.
Kompaniya avtomobillarni raqobatbardosh narxlarda sotishni ta’minlash maqsadida dilerlik tarmog‘ini rivojlantirish va Tojikiston banklari bilan hamkorlikda kredit dasturlarini ishga tushirishni rejalashtirgan.
Eslatib o‘tamiz, avvalroq “UzAuto Motors” Tojikistonda o‘z avtomobillarini yig‘ishni yo‘lga qo‘yishi xabar qilingan edi. Buning uchun “Auto Motors Tadjikistan” qo‘shma korxonasini tashkil etish bo‘yicha bitim imzolangan edi.
https://telegra.ph/UZAUTO-MOTORS-TOJIKISTONDA-CHEVROLET-BRENDINI-TAQDIM-ETADI-09-03
O‘zbekiston tibbiyoti og‘ir judolikka uchradi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
