Bugun, 11 mart kuni soat 10:37 da Farg‘ona shahar Al-Farg‘oniy ko‘chasidagi xonadonlardan birida yashovchi fuqaro tomonidan bir yarim yoshli qiz farzandi uyda yolg‘iz quluflanib qolganligi haqida “1050” qisqa raqami orqali murojaat qilib, yordam so‘ragan.
Murojaat yuzasidan Farg‘ona FVB Maxsus vazifalarni bajaruvchi mintaqaviy qutqaruv otryadi xodimlari aytilgan manzilga zudlik bilan soat 10:42 da yetib borib, maxsus moslamalar yordamida temir eshikni ochdilar. Farzand o‘z onasiga sog‘-salomat topshirilib, yana bir ko‘ngilsiz holatning oldi olindi.
