Tartib talabalarning qaysi kursda o‘qishiga qarab farq qiladi.
Masalan, talabalikka tavsiya etilgan abituriyentlar belgilangan to‘lov miqdorining kamida 25 foizini 15-sentyabrgacha (yoki Davlat qabul komissiyasi belgilagan muddatgacha) to‘lashi shart.
Ikkinchi va undan keyingi bosqich talabalari esa 1 oktyabrgacha (yoki OTM rahbariyati uzaytirgan muddatgacha) kontrakt pulining kamida 25 foizni to‘lab qo‘yishi majburiy.
Bo‘lib to‘lash tartibi esa barcha kurslar uchun bir xil va ular quyidagicha:
◽️ belgilangan to‘lov miqdorining kamida 50 foizini 1 yanvargacha;
◽️ 75 foizini 1 aprelgacha;
◽️ 100 foizini 1 iyulgacha (yoki OTM rahbariyati uzaytirgan muddatlargacha).
Ta’kidlash lozim, xorijiy fuqarolari kontrakt pulini OTM rahbariyati belgilagan muddatlargacha to‘laydi.
Nodavlat oliygohlarda esa kontrakt to‘lash muddatlari talaba va OTM o‘rtasidagi shartnomaga asosan belgilanadi.