DeepState loyihasi tahlilchilari 24 avgustga o‘tar kechasi Ukraina harbiylari Rossiya Federasiyasining Kursk viloyatidagi Sudja shahri sharqida muvaffaqiyat qozonganini ma’lum qildi. Shu bilan birga, ruslar Donetsk viloyatida oldinga siljigan.
«Ukraina mudofaa kuchlari Sudjadan sharqda muvaffaqiyat qozondi. Dushman Novogrodovka va Grodovka yaqinida (Donetsk viloyati) oldinga siljidi», — deyiladi DeepState nashrida.
Ukraina qurolli kuchlari Rossiya qo‘shinlarini Xarkov viloyatidan bosqichma-bosqich siqib chiqarmoqda, dedi prezident Vladimir Zelenskiy kechki videomurojaatida.
«Men Bosh qo‘mondon Sirskiy bilan Xarkov viloyatidagi janglar yuzasidan gaplashdim. Biz rus armiyasini siqib chiqaryapmiz. Asta-sekin. Bosqinchi Xarkovni zabt etmaydi, u butun Ukrainani zabt etmaydi», — dedi prezident Zelenskiy.
Ukraina prezidentining eslatishicha, Ukraina Qurolli kuchlari may oyi boshidan beri ruslarning Xarkovga hujum qilish urinishini qaytarishga muvaffaq bo‘lgan. Zelenskiy Xarkovni «qahramon shahar, odamlar va hayot shahri» deb atadi.
Useyn Bolt, Krishtianu Ronaldu va tuyaqush o‘rtasidagi poygada kim g‘alaba qozonadi?
Ofiserlar ommaviy ravishda ishdan bo‘shamoqda
Ukraina Amerika vertolyotlarini nishonga oldi
