7 iyul kuni Ukrainaning sharqida joylashgan Lugansk hududida o‘rmon yong‘inlari yuz berdi. Natijada, to‘rt kishi halok bo‘ldi va yana to‘qqiz kishi shifoxonaga yotqizildi. Bu haqda Ukraina favqulodda vaziyatlar xizmati xabar bergan.
Favqulodda vaziyatlar xizmati bayonotida aytilishicha, Luganskdagi ikkita qishloqda 80 ta dacha hamda 30 ta aholi turar joyi vayronaga aylandi.
Ma’lumot uchun, Ukraina shimolidagi “o‘lik” zona hisoblanuvchi Chernobil atom zavodi atrofida va boshqa hududlarda bu yilgi bahorda bo‘lib o‘tgan o‘rmon yong‘inlari sababli poytaxt Kiyev shahri havosining ifloslanish darajasi dunyodagi eng baland ko‘rsatkichga chiqdi.